Halkara Energetika Guramasynyň (IEA) täze seljermesine görä, ýakyn ýyllarda dünýädäki täze elektrik üpjünçiliginiň hemmesi diýen ýaly täzelenýän we ýadro energiýasyndan düzüler. Bu bolsa gazylyp alynýan ýangyçlar ýakylandaky galyndyny azaldyp, howanyň hapalanmagynyň öňüni alar.

Uglerodsyz energiýa çeşmeleriniň 2025-nji ýyla çenli dünýäde täze elektrik isleginiň 90%-den gowragyny kanagatlandyrmagyna garaşylýar. Bularyň köpüsi gün, ýel we gidroenergetika ýaly täzelenýän çeşmelerden düzüler. Bu bolsa gazylyp alynýan ýangyçlaryň elektrik öndürmekde agdyklyk etmeginiň öňüni alar diýlip garaşylýar. Netijede, uglerod dioksidiniň zyňyndylary ahyrsoňy peselip biler.

Halkara Energetika Guramasy 2025-nji ýyla çenli gaýtadan dikeldilýän energiýanyň dünýädäki elektrik energiýasynyň 35%-ine eýe boljakdygyna garaşýar. Häzirki wagtda dünýädäki elektrik üpjünçiliginiň takmynan 10%-ini ýadro energiýasy, 20%-ini bolsa tebigy gaz emele getirýär.

Häzirki wagtda dünýädäki her bir ýurt diýen ýaly Pariž şertnamasynda kesgitlenen arassa energiýa maksatlaryna ýetmäge çalyşýar. Eger Global şertnamada kesgitlenen maksatlar dogry ýerine ýetirilse parnik gazlarynyň zyňyndylary 2050-nji ýyla çenli arassa nola düşmeli. Bu  bolsa howanyň üýtgemeginiň öňüni almakda möhüm ädim bolup durýar. 

Jennet NAZAROWA,

Türkmen döwlet binagärlik-gurluşyk 
institutynyň talyby.