Taryhdan belli bolşy ýaly welosiped sporty boýunça welotrek ýaryşlary ilkinji gezek 1893-nji ýylda Dünýä çempionaty geçirildi.Soňra 1894-nji ýylda Aşgabatda welosiped sürüjileriň jemgyýeti döredildi we 1900-nji ýylda welosport boýunça Halkara welosiped sürüjiler birleşigi esaslandyryldy.Welosport boýunja ilkinji Aziýa çempionaty 1963-nji ýylda geçirildi.Şeýle hem bize mälim seneleriň biri-de 2018-nji ýylda BMG-niň Baş Assambleýasynyň 72-nji sessiýasynyň 82-nji mejlisinde Türkmenistanyň başlangyjy bilen 3-nji iýun “Bütindünýä welosiped güni’’ diýip yglan edildi. Şu ýylyň 15-nji martynda BMG-niň Baş Assambleýasynyň 76-nji sessiýasynyň 61-nji mejlisinde “Durnukly ösüşi gazanmak üçin köpçülikleýin welosiped sürmegi jemgyýetçilik ulag ulgamlaryna girizmek” atly Kararnama kabul edildi.Bu Kararyň kabul edilmegi welosiped sürmegiň beýleki ulaglara seredeniňde ekologiýa taýdan arassa ulagdygyny,şeýle hem adam saglygy üçin hemişe peýdalydygyny bellemek zerurdyr.

         Bütindünýä welosiped güni sportuň,sagdynlygyň,abadançylygyň,agzybirligiň hem-de parahatçylygyň baýramydyr.Sebäbi welosiped diňe bir adamzadyň akyl zähmetiniň önümi bilen döredilen ýönekeý bir ulag bolman,eýsem-de ol sagdyn ýaşaýyşyň,sporta bolan söýginiň esasy alamatydyr.

         Halkara welosiped günini bellemek Halkyň Arkadagly zamanasy ýylynda hem ýurdumyzyň ähli künjeklerinde uly şatlyk şowhun bilen welosipedli ýörişler arkaly köpçülikleýin häsiýete eýe boldy.

Abdyjepbar ABDYÝEW,
Türkmen oba hojalyk institutynyň mugallymy