Türkmenistanyň Prezidenti Serdar Berdimuhamedowyň Gazagystan Respublikasyna iş sapary tamamlandy. Saparyň ikinji gününde döwlet Baştutany Astanada geçirilen emeli aň ulgamynda howpsuzlyk boýunça Akaba prosesiniň Merkezi Aziýa döwlet Baştutanlarynyň derejesindäki duşuşygyna gatnaşdy.

Duşuşykda emeli aň tehnologiýalarynyň howpsuz ulanylmagy, kiberhowplara garşy göreşmek we bu ugurda halkara hyzmatdaşlygy ösdürmek meseleleri ara alnyp maslahatlaşyldy. Çärä Gazagystanyň, Iordaniýanyň, Täjigistanyň we Özbegistanyň ýolbaşçylary, şeýle hem birnäçe halkara guramanyň wekilleri gatnaşdy.

Çykyşynda Serdar Berdimuhamedow Türkmenistanyň halkara howpsuzlygy we durnuklylygy üpjün etmek boýunça hyzmatdaşlygy ösdürmäge, Akaba prosesiniň maksatlaryny durmuşa geçirmäge goşant goşmaga taýýardygyny belledi.

Çeşme: Türkmenistan.gov.tm