ABŞ-dan Germaniýa ilkinji gezek suwuklandyrylan tebigy gaz iberildi. ABŞ-dan Germaniýa ugran «Maria Energy» atly tanker gämisi Germaniýanyň Wilhelmshaven  şäherinde ýerleşýän porta 170 müň kub metr suwuklandyrylan tebigy gazy eltdi.

Germaniýa hökümeti bu mukdardaky suwuklandyrylan tebigy gazyň takmynan 50 müň hojalygyň bir ýyllyk tebigy gaz zerurlyklaryny kanagatlandyrjakdygy mälim edýär. Suwuklandyrylan tebigy gaz resmi taýdan fewral aýynyň ortalarynda halka berlip başlanar. Ýene bir hepdeden soňra bolsa ABŞ-dan ýene bir suwuklandyrylan tebigy gaz tanker gämisiniň gelmegine garaşylýar.