Şu gün, Türkmenistanyň Türkmenistanyň Daşary işler ministrliginde Türkmenistanyň Adam hukuklary babatda halkara borçnamalarynyň we halkara ynsanperwer hukugynyň ýerine ýetirilmegini üpjün etmek boýunça pudagara toparynyň nobatdaky mejlisi geçirildi.

Duşuşygy Pudagara toparynyň başlygy, Türkmenistanyň Daşary işler ministri Raşid Meredow açdy we adam hukuklary babatda halkara borçnamalarynyň we halkara ynsanperwer hukugynyň berjaý edilmeginiň üpjünçiligi babatynda Türkmenistan Hökümeti tarapyndan amala aşyrylýan derwaýys çäreler dogrusynda giňişleýin gürrüň etdi.

Mejlisiň barşynda Pudagara toparynyň 2021-nji ýylda ýerine ýetiren işleriniň netijeleri barada  hasabat diňlenildi we geljek döwür üçin işleriň ileri tutulýan ugurlary kesgitlenildi. Çärä gatnaşyjylar özara hereketleriň hukuk binýadynyň pugtalandyrylmagy, şonuň ýaly-da köptaraplaýyn hyzmatdaşlygyň ulgamynyň giňeldilmegi boýunça abraýly halkara guramalarynyň arasyndaky hyzmatdaşlygynyň netijeleri bilen birlikde, bu ugurda ýerine ýetirilen işler barada jikme-jik maglumatlary berdiler.

Mejlisiň dowamynda, çärä gatnaşyjylar tarapyndan ýurduň döwlet edaralarynyň hem-de jemgyýetçilik guramalarynyň halkara hyzmatdaşlary bilen özara hereketleriniň ileri tutulýan ugurlary babatynda hem pikirler alyşyldy.