Görüş we eşidiş duýgy agzalarymyz ýokary takyklyk bilen ylmy taýdan subut edilen hem bolsa, ys alşymyz barada entägem doly subut edilmedik nätakyklyklar bar. Adamyň burny ortaça 10 müňden gowrak dürli ysy tanap bilýär diýilýär. Emma sekiz ýyl mundan ozal geçirilen gözlegler bu maglumatyň hakyky däldigini ýüze çykardy.

Rokfeller uniwersitetinde molekulýar newrobiolog ugry boýunça işleýän Leslie Vosshall we onuň topary, adamlaryň 1 trilliondan gowrak dürli ysy anyklap, tanap, kesgitläp we tapawutlandyryp bilýändiklerini aýdýarlar. Alymlar ys alyş funksiýasy boýunça 26 sany adamyň gatnaşmagynda ýörite synag-tejribe işlerini geçiripdirler. Netijede, alymlar adamlaryň 1 trilliondan gowrak dürli ysy anyklap we tanap biljekdiginiň üstüni açypdyrlar.