Ahal welaýat kitaphanasynda Bütindünýä saglyk gününe bagyşlanan “Saglyk — abatlyk” ady bilen baýramçylyk duşuşygy geçirildi. Duşuşyga okyjy ýaşlar gatnaşdy.

Kitaphanada baýramçylyga bagyşlanan ýörite kitap sergisi gurnaldy. Duşuşygyň çäginde guralan sergini ýaşlar uly gyzyklanma bilen synladylar. Onda Gahryman Arkadagymyzyň saglygy goraýşa, sagdynlyga degişli ajaýyp kitaplarynyň ähmiýeti dogrusynda gyzykly gürrüň edildi. Hormatly Arkadagymyzyň “Türkmenistanyň dermanlyk ösümlikleri” atly köpjiltli ylmy-ensiklopedik kitabynyň, “Bagtyýarlyk saglykdan başlanýar”, “Çaý— melhem hem ylham”, “Sport dostluga, saglyga we gözellige tarap ýoldur”, «Türkmenistan — melhemler mekany» atly kitaplarynyň ähmiýetine aýratyn üns çekildi. Agzalan kitaplar esasyndaky çykyşlar ýaşlarda ýakymly täsirleri galdyrdy.