Ýurdumyzyň Ahal welaýtynda ýetip gelýän pagta ýygymy möwsümine häzirden ýokary derejede taýýarlyk görülýär. Welaýatyň oba-hojalyk pudagynda degişli edaralarynda pagta ýygyjy kombaýnlar doly gözden geçirilýär hem-de zerur ýagdaýynda abatlanylyp, taýýarlyk hatarynda goýulýar.

Bu işler welaýatyň Gökdepe, Ak bugdaý we Sarahs etraplarynda hasda göwnejaý alnyp barylýar. Agzalan etraplarda pagta kabul ediş nokatlaryny, şol sanda harmanhanalary hem möwsüme taýýarlamakda öwgä mynasyp işler bitirilýär. Tehnikalary pagta ýygymyna taýýarlamak işleriniň hili we derejesi ýörite hünärmenler tarapyndan üns merkezinde saklanýar.