Ahal welaýatynyň ekerançylyk meýdanlarynda ýeralmadyr soganyň we beýleki gök önümleriň ekişi guramaçylykly alnyp barylýar. Saçagymyzy ter gök önümleri bilen üpjün etmek ugrundaky tagallalara goşant goşýan ekerançylarymyz häzirki jogapkärli möwsümiň ähmiýetine oňat düşünýärler. Şonuň bilen baglylykda, olar öňünden birkemsiz taýýarlanan meýdanlarda ekişi agrotehnikanyň talaplaryna laýyklykda alyp barýarlar.

Welaýatyň ekerançy daýhanlaryň uly topary Türkmenistanyň Agrar partiýasynyň agzasy bolup durýar. Şoňa görä-de, Türkmenistanyň Agrar partiýasynyň işgärleri ýeralmadyr soganyň ekişiniň alnyp barylýan ýerlerinde — ekerançylyk meýdanlarynda bolup, daýhanlaryň, şeýle-de mehanizatorlaryň armasyny ýetirip durýarlar. Bu bolsa, oba hojalyk işleriniň netijeliligine we depginine oňyn täsirini ýetirýär.