Şu günler Ak bugdaý etrabynyň jemgyýetçilik guramalary hem-de etrabyň polisiýa bölüminiň polisiýanyň ýol gözegçiligi bölümçesi tarapyndan bilim-terbiýeçilik ojaklarynda «Ýol hereketiniň howpsuzlygy — ömrümiziň rahatlygy» atly biraýlyk mynasybetli wagyz-nesihat, düşündiriş çäreleri geçirilýär. Golaýda, Ak bugdaý etrabyndaky ýöriteleşdirilen 45-nji orta mekdepde, Türkmenistanyň Demokratik partiýasynyň etrap komitetiniň, Türkmenistanyň Magtymguly adyndaky Ýaşlar guramasynyň etrap Geňeşiniň hem-de etrap Polisiýa bölüminiň polisiýanyň ýol gözegçiligi bölümçesiniň bilelikde guramagynda duşuşyk geçirildi.

Duşuşyga okuwçy ýaşlar gatnaşyp, ýurdumyzda halkymyzyň bagtyýarlygy, abadançylygy ugrunda durmuşa geçirilýän giň möçberli işleriň ähmiýeti dogrusynda gyzykly gürrüň edildi.