Golaýda, Ahal welaýatynyň Ak bugdaý etrabyndaky 20-nji çagalar bagynda, Türkmenistanyň Demokratik partiýasynyň etrap komiteti, Türkmenistanyň Kärdeşler arkalaşyklarynyň etrap birleşmesi, Türkmenistanyň Magtymguly adyndaky Ýaşlar guramasynyň etrap Geňeşi hem-de etrap polisiýa bölüminiň polisiýanyň ýol gözegçiligi bölümçesiniň bilelikde guramagynda körpelere köçe-ýol hereketiniň düzgünlerini öwretmek boýunça wagyz-nesihat çäresi geçirildi.

Wagyz-nesihat çäresiniň dowamynda ýörite şertli belgiler bilen bezelen meýdançada körpelere ýoldan geçmegiň düzgünleri barada täsirli gürrüň berildi. Etrap polisiýa bölüminiň polisiýanyň ýol gözegçiligi bölümçesiniň wekili körpeler bilen köçe-ýol hereketiniň kadalary boýunça özara sowal-jogap alyşdy.