Ak bugdaý etrabynyň Bugdaýly geňeşliginde ilatyň dürli kesellere garşy göreşijilik ukybyny ýokarlandyrmak, sagdyn bedenli bolmagyny gazanmak we keselleriň öňüni almak maksady wagyz-nesihat duşuşygy geçirildi. Duşuşyk etrap häkimliginiň meýilnamasy esasynda geçirildi. Oňa oba ýaşaýjylarydyr zähmetkeşler gatnaşdy.

Täsirli geçen duşuşykda jemgyýetçilik guramalarynyň wekilleri we saglygy goraýyş edaralarynyň işgärleri çykyş etdiler. Çykyş edenler, ýurdumyzda ilatyň saglygyny goramak we berkitmek, keselleriň öňüni almak, bejermek boýunça durmuşa geçirilýän işleriň netijeli häsiýete eýe bolýandygy barada gürrüň berdiler, şeýle-de ildeşlerimize sagdyn durmuş ýörelgesine eýerip ýaşamak, dogry iýmitlenmek, mydama hereketde bolmak, zyýanly endiklerden daşda durmak boýunça gymmatly maslahatlaryny aýtdylar.