Ahal welaýatynyň Ak bugdaý etrabynyň ýüpekçileri hem möwsümi guramaçylykly alyp barýarlar. Etrabyň ýüpekçileri çig piläniň ýokary hasylyny taýýarlamak we kabul ediş nokatlaryna tabşyrmak işlerine jogapkärli çemeleşýärler. Etrabyň jemgyýetçilik guramalarynyň wekilleri bu asylly işde olaryň armasyny ýetirmek bilen, öňdebaryjylary höweslendirýärler.

Ýakynda, Türkmenistanyň Kärdeşler arkalaşyklarynyň etrap birleşmesiniň, Türkmenistanyň Magtymguly adyndaky Ýaşlar guramasynyň etrap Geňeşiniň wekilleri M.Sopyýew adyndaky Oba hojalyk paýdarlar jemgyýetiniň ýüpekçileriniň armasyny ýetirmek maksadyndan ugur alyp, olar bilen iş üstünde duşuşyk geçirdiler hem-de häzirki jogapkärli möwsümi üstünlikli jemlemek boýunça arzuwlaryny aýtdylar. Duşuşygyň dowamynda olar öňdebaryjy ýüpekçileriň birnäçesine sowgat gowşurdylar.