Paýtagtymyzyň çar künjeginde dünýä ülňülerine kybap gelýän ýaşaýyş jaýlarynyň, ak mekdepleriň, çagalar baglarynyň, edara kärhanalaryň we beýleki möhüm ähmiýetli desgalaryň ýokary depginde dowam etmegi binagärlik-şähergurluşyk keşbiniň özgermegine ýardam edýär. Aşgabat şähermizi görenler ýenede görmäniň, görmedikleri görmegiň arzuwynda. Hormatly Prezidentimiz Gurbanguly Berdimuhammedowyň tagallasy bilen günsaýyn , sagat saýyn ösüşlere beslenýän ýurdymyzda Aşgabat şäheri gözelligiň iň kämil derejesine eýe boldy. Ýollardaky, ýodalardaky älemgoşar kysymly güljagazlar, al-elwan öwüsýän baglaryň hatary Aşgabat şähermiziň tebigy görküniň birje bölegidir. Ýol ugrynda, seýilgählerde ýerleşdirlen suw çüwdürimleri özboluşly gözelligi emele getirip, ýerden bat alyp asmana sary okdurylsada ýene gözbaşyna dolanmasy, ýörjen –ýörjen çaganyň  enesiniň gujagna dolanşy ýaly ajaýyp duýgular bilen göwnüňi göterýär. Ýadawlykdan saplaýar. Şonuň üçinem heran-haçan synlasaň suw çüwdirimleriniň töwereginde gezim etýän ene-atalar çagalara duş gelmek bolýar. Başy asamana sary uzap gitýän belent-belent  jaýlar mermer daşlara bürenip hatar-hatar uzap gidýär. Olaryň islendigine nazar aýlasaň, ýüregiňde buýsanç duýgusy oýanýar.  Köpetdagyň özi ýaly sarsman otyran binalar milli gymmatlyklarymyz bolan nagyşlar, suratlar bilen bezelmegi aýratyn owadanlygy emele getirýär. Binägärlik senediniň inçeden yzarlanyp binýat edilen binalary paýtagtymyzyň arhitektura taýdan ösen şäherdigini tassyklaýar. Ynha ähli gözellikler jemlän Aşgabat şäheri Köpetdagy etekläp gijelerne aýratyn görnüşe girýär. Ýol ugra düzülen dürli-dürli yşyklar asman ýyldyzlaryna bäs edýär. Eger biz Aşgabat şäheriniň gözelligini söz bilen wasp etmeli bolsak onda entäk–entäk kän gepleriň başyny agyrtmaly bolarys.

Ýurdumyzyň ähli çäklerinde ýaşaýan watandaşlarmyzyň şeýle ajaýyp şähermiziň barlygyna buýsanýanlygyny açyk aýdyň aýtsa bolar.Watanmyzyň ýüregi hasaplanýan Aşgabat şäheri diňe bir ullakan adamlaryň däl hatda kiçijek çagalaryňam üns merkezinden düşmeýär. Bir zady anyk aýtsa bolar, öwezine Aşgabat şäherine aýlanmagy söz berilen çagalaryň islendik bir talaby garaşylan netijesindenem artyk ýerine ýetirjegi anykdyr. Munuň özi Aşgabat şäherinniň her bir adamyň, Watançy türkmenleriň, hatda çagalaryňam ýüreginde aýratyn orna mynasyplygynyň subutnamasydyr. Orta mekdebi tamamlap synaglardan şowly geçen talyp Aşgabat şäherindäki baýry okuw jaýlarynda okamaklygy goşa bagta eýe bolmak hasaplaýar. Hakykatdanam dürli duýgulara eýlenen talyplyk ýyllarynyň şeýle şäherde geçirmeklik goşa bagt ahyryn. Ýurdumyzyň dürli künjünde , dürli ugurlarda zähmet çekýän adamlaryň talyplyk  ýyllarynyň ýatlamasyny Merjen şähermiz hamrak ene kimin öz gujagynda saklap otyr. Ençeme süýji duýgularyň şaýady bolan mekana Aşyklaryň şäheri hem diýilýär. Taryhda-da at owazasy dünýä dolan ýurtlara her ýurt öz ýanyndan at berer ekenler.Şeýlelik bilen şol bir ýurdyň birnäçe ady bolupdyr. Taryhy aadatlara eýerilip  Merjen şäher, Aşyklar şäheri, Paýtgat şäher... ýaly birnäçe atlar bilen tanalýan Aşgabat şäherimiz toý lybasyna beslenipdir. Her ýylyň maý aýynyň 25-ne Aşgabat şäheriniň güni bellenilip geçilýär.  Waspy dilden-dile dolan Aşgabat şäherimiz gözelliň nusgasy bolup bütin dünýä ýüzine aklyk bolup ýalkym saçsyn!