Dünýäniň ortaça temperaturasynyň yzygiderli ýokarlanýandygy belli zat. Alymlar, esasanam polýuslarda temperaturanyň çalt ýokarlanmagyndan aladalanýarlar.

Dünýäniň temperaturasynyň gyzmagy bilen Ýerdäki janly-jandar görnüşlerine, ösümliklere şol sanda adamlara-da uly howp abanýar. Dünýäniň ortaça temperaturasy ilkinji gezek 2015-nji ýylda XIX asyryň ortalarynda hasaba alnan temperatura senagatdan öňki derejeden 1 dereje ýokarlandy.

Alymlar geljek bäş ýylyň içinde global temperaturanyň 1,5 gradus ýokarlanjakdygyny duýdurdylar. Şeýle hem, gözleg 2022-nji we 2026-njy ýyllar aralygyndaky temperaturanyň senagatdan öňki derejeden 1,1 dereje we 1,7 dereje ýokary boljakdygyny görkezýär. Şonuň üçin hünärmenler geljekde tokaý ýangynlarynyň, aşa yssy howalaryň, suw joşmalarynyň we şuňa meňzeş betbagtçylyklaryň ýygy-ýygydan boljakdygyny mälim edýärler.

Kaliforniýa uniwersitetiniň alymlary parnik gazlarynyň zyňyndylary düýpgöter azalmasa, global temperatura 2300-nji ýyla çenli 50 million ýylda görünmeýän derejä ýeter diýip çaklaýar.

Jennet BÄŞIMOWA,

Türkmen oba hojalyk institutynyň talyby.