Ýakynda, ýurdumyzda Gurluşyk we senagat toplumynyň işgärleriniň güni giňden bellenildi. Şanly sene mynasybetli Änew şäherindäki Medeniýet öýünde baýramçylyk dabarasy geçirildi. Dabara welaýat häkimliginiň, jemgyýetçilik guramalarynyň hem-de Medeniýet müdirliginiň bilelikde guramagynda geçirilip, oňa Gurluşyk we senagat toplumynyň işgärleri gatnaşdy.

Baýramçylyk dabarasynda gutlag çykyşlarynyň birnäçesi diňlendi. Dabaranyň dowamynda, welaýatyň medeniýet we sungat işgärleriniň, sahna ussatlarynyň aýdym-sazly çykyşlary ýerine ýetirildi.

Dabaranyň ahyrynda gurluşyk we senagat toplumynyň öňdebaryjy işgärleriniň uly toparyna baýramçylyk sowgatlary gowşurylyp, olara asylly işlerinde uly üstünlikler arzuw edildi.