Änew şäherindäki Medeniýet öýünde «Arkadag Serdarly bagtyýar ýaşlar ýyly—beýik ynam, uly buýsanç, mukaddes borç» atly dabaraly maslahat geçirildi. Oňa Ahal welaýatynyň ähli ýerinden ýaşlar, jemgyýetçilik guramalarynyň wekilleri we işjeň agzalary gatnaşdy.

«Arkadag Serdarly bagtyýar ýaşlar ýyly» şygary astynda geçýän ýyla bagyşlanan dabaraly maslahatda ýüregi hyjuwly, kalby joşgunly ýaşlaryň çykyşlaryna giň orun berildi. Ruhubelent ýaşlar eziz Diýarymyzda özleriniň bagtyýarlykda ýaşamagy, bilim almagy, hünär öwrenmegi, zähmet çekmegi, kadaly dynç almagy we sagdyn ösmegi ugrunda edilýän aladalar barada söz açdylar. Olaryň aýdyşy ýaly, şanly ýylyň şygarynyň ýaşlar bilen baglanyşykly bolmagy ýaşlaryň jogapkärçiligini artdyryp, olary päk zähmete ruhlandyrýar.

Toý ruhunda geçen maslahata gatnaşyjylar ýaşlar barada edýän bimöçber aladalary üçin Milli Liderimiziň hem-de Arkadagly Serdarymyzyň adyna alkyş sözlerini aýtdylar.