«Buckingham köşgi» - 70 ýyl bäri tagtda oturan Angliýanyň şa zenany Ýelizaweta II-niň aradan çykandygyny habar berdi.

1926-njy ýylyň 21-nji aprelinde doglan Angliýanyň şa zenany diýlip tanalýan Ýelizaweta II - 1952-nji ýylda tagta çykdy. Şa zenany 70 ýyllap tagtda oturdy. Birnäçe wagtdan bäri Angliýanyň metbugat gulluklary şa zenanyň  saglyk ýagdaýynyň ýaramazlaşýandygyny we lukmançylyk gözegçiliginiň astyndadygyny aýdyp gelýärdiler.

«Buckingham köşgi» Angliýanyň şa zenany Ýelizaweta II-niň 96 ýaşynda Şotlandiýanyň Balmoral galasynda aradan çykandygyny habar berdi. Ýerli wagt bilen 18:30-da ähli ýerdäki Angliýa baýdaklary aşak düşürildi we ýas yglan edildi.

Belläp geçsek, Ýelizaweta II – geçen ýyl lukmanyň maslahaty bilen birnäçe syýahatyny ýatyrdy we iş tertibini üýtgetmek şeýle-de dabaralara gatnaşmazlyk kararyna geldi.