Türkmenistanyň Demokratik partiýasynyň Bäherden etrap komiteti, Bäherden etrap bilim bölümi hem-de beýleki jemgyýetçilik guramalary tarapyndan halk köpçüliginiň arasynda “Saglyk” maksatnamasyny durmuşa geçirmek, ýiti respirator ýokanç keselleriň ýaýaramagynyň öňüni almak boýunça sagdyn durmuş ýörelgesini ündemek maksady bilen “Arassaçylyk – sagdynlygyň, ruhubelentligiň gözbaşydyr!” ady bilen Bäherden etrabynyň Arçman şäherçesiniň medeniýet öýüniň kiçi mejlisler jaýynda bilim işgärleriniň, geňeş arçynlarynyň şeýle-de ýaşuly wekilleriň gatnaşmaklarynda wagyz-nesihat çäresi geçirildi. Bu dabaraly çärede çykyş edenler röwşen geljegimiziň has-da gözel bolmagy üçin nesillerimiziň ruhy hem beden taýdan sagdyn, Ata Watanamyzda “Saglyk” Döwlet maksatnamasyny durmuşa geçirmek, halkymyzyň ýaşaýşyny, saglyk ýagdaýyny has-da gowulandyrmak, mundan beýläk-de kämilleşdirmek ugrunda uly işler durmuşa geçirilýär. Jemgyýetimizde sagdyn durmuş ýörelgeleriniň ornaşdyrylmagy netijesinde ýokanç däl we ýokanç keselleriň öňüni almak barada giňişleýin aýdyp geçdiler.