Müsürdäki arheologlar ölümden soň ýaşaýşy alamatlandyrýan altyn şekiljikli mumiýalary tapdylar. Gözlegler, Müsüriň taryhynyň dürli döwürlerinden ýüzlerçe mazarlary öz içine alýan gonamçylyk bolan Kuweisnada geçirildi.

Gazuw-agtaryş işlerinde mumiýalaryň boýnundan asylgy ölümden soňky ýaşaýşy alamatlandyrýan altyn şekiljikleri tapyldy. Şol döwürde altyn şekiljikleriniň merhum bilen yzynda galanlara ahyret durmuşynda aragatnaşyk saklamaga kömek edýändigine ynanypdyrlar. Şeýle hem bu şekiljikler Müsüriň iň möhüm taňrylaryndan biri bolan Osiris bilen ahyretde gürleşmek üçin ýörite dil diýip pikir edipdirler.

Arheologlar mundan öň 2021-nji ýylda Aleksandriýanyň Magna ybadathanasynda hem şuňa meňzeş jaýlanyş usullaryny we şekiljikleri tapypdylar. Arheologlar mumiýalaryň köpüsiniň inçe altyn kagyzlar bilen örtülendigini we agaç tabytlara ýerleşdirilendigini aýdýarlar.

Mundan başga-da gazuw-agtaryş işlerinde Kuweisna gonamçylygyndan birnäçe daş we keramika gap-gaçlary, şeýle hem palçykdan ýasalan küýzeler we şuňa meňzeşler tapyldy. 

Annanur HUDAÝBERDIÝEW,

Türkmen oba hojalyk institutynyň talyby.