Dänew etrabyndaky «Gala» toý mekanynda Dänew we Darganata etrap häkimlikleriniň bilelikde guramaklarynda «Arkadagly Diýara hoş gelipsiň, Täze ýyl!» ady bilen baýramçylyk dabarasy geçirildi.

Oňa edara-kärhanalarda zähmet çekýän öňdebaryjy işgärler, ýaşulular, köp çagaly eneler, jemgyýetçilik guramalarynyň agzalary gatnaşdylar. Dabarada çykyş edenler tamamlanyp barýan «Halkyň Arkadagly zamanasy» ýylynda gazanylan üstünlikler, ýetilen belent sepgitler hem-de bosagada duran 2023-nji ýylda öňde goýulýan maksatlar dogrusynda giňişleýin gürrüň etdiler. Etraplaryň çagalar sungat mekdepleriniň okuwçylarynyň taýýarlan baýramçylyk çykyşlary bu ýere gelenlere ruhy lezzet paýlady. Medeniýet we sungat işgärleriniň ýerine ýetiren aýdym-sazlarynda, tanslarynda, folklor çykyşlarynda bagtyýarlyga beslenýän günlerimiziň waspy giňden beýan edildi.