Türkmenistanyň Magtymguly adyndaky Ýaşlar guramasynyň “Arkadagly Ýaşlar” žurnalynyň sentýabr aýyndaky täze sany çapdan çykdy. Neşirde Garaşsyzlygyň 34 ýyllyk baýramyna bagyşlanan wakalar giňden beýan edilýär. Bu barada Türkmenistanyň resmi metbugaty habar berdi.

Žurnalda döwlet sylaglaryna mynasyp bolan ýaşlaryň pikirleri, talyplyk bagtyna eýe bolan ýaşlaryň çykyşlary, şeýle hem sanly ulgam bilen bagly täze makalalar ýerleşdirilipdir. Şeýle-de, ýaş alymlaryň ylmy gözlegleri, täze döredijilik işler we tehnologiýa täzelikleri okyjylar üçin hödürlenýär.

Neşiriň soňky sahypalarynda bolsa täleýnama, tagamly işdäaçar taýýarlamak boýunça maslahatlar hem-de “Ýaş waspçy” bäsleşiginiň ýeňijisi baradaky maglumat bilen jemlenýär.

Aýlar BATYROWA,

Türkmenistanyň Daşary işler ministrliginiň
Halkara gatnaşyklary institutynyň talyby.