Şu ýylyň 21-nji ýanwarynda Aşgabat şäherinde ýerleşýän Maslahatlar köşgünde jemgyýetçilik wekilleriniň gatnaşmagynda Türkmenistanyň Milli Geňeşiniň palatalarynyň bilelikdäki maslahatyny geçirmek göz öňünde tutulýar. Maslahat häzirden taýýarlyk işleri barha giň gerime eýe bolýar.

Paýtagt baýramçylyk lybasyna girmek bilen şäheriň köçeleri we  jemgyýetçilik awtobuslary döwrebap şygarlar bilen bezeldi.  «Agzybirligimiz bilen ähli sepgitlere ýeteris!», «Watan diňe halky bilen watandyr!», «Döwlet diňe halky bilen döwletdir!»  we beýleki döwrebap şygarlar  ýurdumyzyň ösüşleri hem-de  halkymyzyň agzybirligini  aýdyň şöhlelendirýär.