Häzirki wagtda Aşgabat şäheriniň günorta böleginde Magtymguly Pyragy medeni-seýilgäh toplumy gurulýar. Onuň çäginde dostlukly ýurtlaryň meşhur akyldarlarynyň, şahyrlarynyň we ýazyjylarynyň ýadygärlikleriniň, şol sanda orta asyr täjik şahyry Saido Nasafi Mirobidiniň ýadygärligi hem ornaşdyrylar. Munuň özi türkmen we täjik halklarynyň arasyndaky baky dostlugyň nyşanyna öwrüler.

Ýeri gelende belläp geçsek, Saido Nasafi takmynan 1707-1711-nji ýyllarda ýagny XVI asyryň 30-njy ýyllarynda dogulýar. Ol ilkibaşda Buharada öz bilimini alýar we şol ýerde ömrüniň ahyryna çenli ýaşaýar. Saido pars dilinde gazallary we kasydalary ýazypdyr.  

Döwürdeşleriniň pikiriçe, Saidonyň meşhurlygy gaty uly bolupdyr. Ol batyrgaý, dogumly, çyn sözli adam bolupdyr. Häzirki wagtda hem gazal ýazylanda köplenç Saido Nasafiniň usulyndan peýdalanylýar.

Güljemal GOTUROWA,

Döwletmämmet Azady adyndaky

Türkmen milli dünýä dilleri

institutynyň talyby.