Ýurdumyzda atçylyk sportuny ösdürmek, türkmen bedewlerini halkara ýaryşlara taýýarlamagyň ylmy taýdan esaslandyrylan öňdebaryjy usullaryny giňden ornaşdyrmak maksady bilen beýik işler durmuşa geçirilýär. Welaýatlarymyzda we paýtagtymyzda iň häzirki zaman enjamlary bilen enjamlaşdyrylan atçylyk sport toplumlarynyň, döwrebap  aýlawlaryň gurlup, ulanylmaga berilmegi, ştab-kwartirasy Aşgabat şäherinde ýerleşýän Halkara ahalteke atçylyk assosiasiýasynyň  hereket etmegi munuň aýdyň subutnamasydyr.

Gahryman Arkadagymyzyň «Ahalteke bedewi — biziň buýsanjymyz we şöhratymyz», «Ganatly bedewler», «Gadamy batly bedew», «Atda wepa-da bar, sapa-da» ýaly gymmatly kitaplary halkymyza uly gollanmadyr. Bu ajaýyp kitaplar türkmen bedewleriniň gözelliginiň, ýyndamlygynyň soňlanmajak waspydyr.

Taryhyň ähli döwürlerinde-de halkymyzyň syrdaşy, göz-guwanjy bolup gelen meşhur ahalteke bedewlerimiziň bütin dünýädäki abraýy bu gün barha belende göterilýär. Bu ugurda Gahryman Arkadagymyzyň baştutanlygynda badalga berlen giň gerimli özgertmelerdir beýik işler häzirki döwürde hormatly Prezidentimiziň tagallasy bilen üstünlikli dowam etdirilýär.

Gülnäz JUMAÝEWA,
Türkmenistanyň Döwlet energetika
institutynyň talyby.