Ýakynda, Babadaýhan etrabynda ýerleşýän dokma toplumynyň mejlisler jaýynda wagyz-nesihat duşuşygy geçirildi. Duşuşyga, Türkmenistanyň Milli Geňeşiniň Mejlisiniň deputatlary, dokma toplumynda zähmet çekýän gelin-gyzlar, etrabyň jemgyýetçilik guramalarynyň wekilleri, işjeň zenanlar hem-de mährem eneler gatnaşdy.

Geçirilen wagyz-nesihat duşuşygynda täsirli çykyşlar diňlenildi. Duşuşygyň barşynda maşgala mukaddesligi, edep-terbiýe kadalary, gelin-gyzlary bezeýän asylly gylyk-häsiýetler bilen bagly aýdylan degerli maslahatlar uly täsirleri döretdi.

Şeýle mazmunly duşuşyklaryň ýene biri Kaka dokma toplumynda geçirildi.