Mälim bolşy ýaly, ýene-de sanlyja günden ýagny, 25-nji maýda ýurdumyzyň bilim ojaklarynda 2022-2023-nji okuw ýylynyň tamamlanandygyny alamatlandyrýan «Soňky jaň» dabaralary geçiriler. Bu dabara okuwçy ýaşlaryň, aýratyn-da, mekdep uçurymlarynyň durmuşynda ýatda galyjy waka öwrüler.

Şonuň bilen baglylykda, şu günler Babadaýhan etrabynda uçurym ýaşlaryň we olaryň ata-eneleriniň gatnaşmagynda wagyz-nesihat duşuşyklary geçirilýär. Bu duşuşyklaryň esasy maksady «Soňky jaň» dabaralaryny ýokary guramaçylykly geçirmekden ybarat bolup durýar.