Babadaýhan etrabynyň Ak altyn geňeşliginde ýurdumyzda alnyp barylýan konstitusion özgertmeleriň many-mazmunyny oba ýaşaýjylaryna  düşündirmek maksady bilen  wagyz-nesihat  maslahaty  geçirildi. TDP-niň etrap komitetiniň hem-de etrap hukuk goraýjy edaralary bilen bilelikde guramagynda geçen maslahata  oba ýaşaýjylary, daýhan birleşigiň, geňeşligiň işgärleri, hünärmenleri  gatnaşdylar.

          Maslahatda ýurdumyzyň ykdysady kuwwatynyň artmagy, halkymyzyň hal-ýagdaýynyň has-da gowulanmagy ugrunda durmuşa geçirilýän işler, ata Watanymyzda amala aşyrylýan konstitusion özgertmeleriň bu babatdaky tagallalaryň rowaçlanmagyna etjek täsiri hakynda söz açylyp, “Türkmenistanyň Konstitusiýasyna üýtgetmeleri we goşmaçalary girizmek hakynda” Türkmenistanyň Konstitusion Kanunynyň taslamasynyň many-mazmunyna, ähmiýetine üns çekildi.