Ýakynda, Bäherden etrap bilim bölüminde, Ylym we bilim işgärleriniň kärdeşler arkalaşygynyň Bäherden etrap Geňeşiniň guramagynda ýaş hünärmenler bilen duşuşyk geçirildi. Duşuşyk, ýurdumyzyň ýokary we orta hünär okuw mekdeplerini tamamlap gelen, etrabyň bilim-terbiýeçilik ojaklarynda zähmet ýoluna başlamaga mümkinçilik alan ýaş hünärmenler üçin ýakymly duýgulara beslendi.

Duşuşykda etrap bilim bölüminiň hünärmenleri, jemgyýetçilik guramalarynyň wekilleri çykyş etdiler. Soňra ýaş hünärmenler zähmet ýoluna gadam basjak täze iş ýerlerine baryp, bilim-terbiýeçilik ojaklarynyň işleri bilen tanyşdylar. Halypa mugallymlar olara ak ýol arzuw etmek bilen, öz iş tejribelerine esaslanyp, täsirli gürrüňleri hem-de öwüt-ündewlerini berdiler.