Ahal welaýatynyň Kaka etrabynda ýerleşýän ,,Ýaşyl ýaýla” çagalar dynç alyş-sagaldyş merkezinde dynç alýan çagalaryň arasynda Türkmenistanyň Magtymguly adyndaky Ýaşlar guramasynyň Ahal welaýat, şäher etrap Geňeşleri tarapyndan ýaş nesilleriň ukyp-başarnyklaryny ýüze çykarmak, olaryň boş wagtlaryny netijeli geçirmeklerini gazanmak maksady bilen gyzykly sport we döredijilik bäsleşikleri yzygiderli geçirilýär. 
Dürli bäsleşikler bilen bir hatarda ýaş nesilleriň Watançylyk we ynsanperwerlik ruhynda terbiýelenmeklerini gazanmak maksady bilen çagalar dynç alyş-sagaldyş merkezinde wagtlaryny şadyýanlykda geçirýän mekdep okuwçylarynyň arasynda terbiýeçilik ähmiýetli wagyz-nesihat duşuşyklary hem giň gerimde alnyp barylýar. 
Bu alnyp barylýan işler geljekde ruhy we fiziki taýdan sagdyn nesilleri kemala getirmekde, ýaşlary köpçülikleýin sporta çekmekde, olarda zähmete bolan söýgini güýçlendirmekde we watançylyk duýgularyny artdyrmakda özüniň oňyn netijesini berer. 
     Berkarar döwletiň bagtyýarlyk döwründe, ajaýyp zamanada ýaşaýan ýaş nesiller özleri üçin döredilip berilýän ajaýyp mümkinçilikler üçin Hormatly Prezidentimize özleriniň alkyşly sözlerini aýtýarlar.