«Microsoft»-yň esaslandyryjysy Bill Gates, koronawirus pandemiýasy doly tamamlanandan soň yzýany geljek pandemiýanyň adam eli bilen dörediljekdigini we onuň has howply boljakdygyny aýtdy.

Ilkinji gezek Hytaýda peýda bolan we bütin dünýä ýaýramak bilen «pandemiýa» öwrülen koronawirus 2 ýyldan gowrak wagt bäri dünýä ýüzüne erbet täsir etdi.

Dürli gözlegleriň netijesinde bu kesele garşy sanjymlar, dermanlar ýasaldy. Muňa garamazda käbir ýurtlarda henizem pandemiýa dowam edýär.

Awstraliýanyň Sidneý şäherinde geçirilen konferensiýa çykyş eden Bill Gates geljek barada käbir pikirleri paýlaşdy. Ol «Indiki pandemiýa has erbet bolar!» - diýip, konferensiýa gatnaşan adamlary we dünýä metbugatyny alada goýdy.