Ýakynda, Türkmenistanyň BMG-niň ýanyndaky hemişelik wekili Aksoltan Ataýewa ABŞ-nyň BMG-niň ýanyndaky hemişelik wekili Linda Tomas-Grinfild bilen duşuşyk geçirdi. Onuň dowamynda taraplar BMG-niň Baş Assambleýasynyň golaýda açyljak 77-nji sessiýasy hem-de iki ýurduň onda ileri tutýan garaýyşlary, Milletler Bileleşiginiň düzümindäki özgertmeler barada pikir alyşdylar.

Türkmen diplomaty söhbetdeşligiň barşynda BMG-niň Baş Assambleýasy tarapyndan golaýda kabul edilen «Merkezi Aziýa — parahatçylyk, ynanyşmak we hyzmatdaşlyk zolagy» atly Kararnamany goldandygy üçin amerikan tarapyna minnetdarlyk bildirdi. Duşuşygyň dowamynda taraplar BMG-däki özgertmeler barada-da pikir alyşdylar.