Rumyniýanyň Buharest şäherinden gelip gowşan hoş habarda erkin we grek-rim göreşleri boýunça «Ion Kornianu we Lidaslau Simon» atly halkara ýaryşynda türkmen pälwanlarynyň gazanan netijeleri buşlanylýar. Ýaryşa gatnaşan türkmen ýygyndysyna türgenleriň 14-si wekilçilik etdi.

    Ildeşlerimiziň ikisi ýygyndy toparymyza erkin göreş boýunça altyn we kümüş medal getirdi. 92 kilogram agram derejesinde çykyş eden milli ýygyndy toparymyzyň türgeni, Türkmenistanyň Içeri işler ministrliginiň wekili Döwletmyrat Orazgylyjow ýaryşyň ýeňijisi boldy. Türkmen döwlet bedenterbiýe we sport institutynyň talyby Gurbanmyrat Öwezberdiýew bolsa 79 kg-de göreş düşekçesine çykdy. Zehinli pälwan ýaryşyň kümüş medalyny eýeledi.