Ilkinji «AIDS» keseli 1981-nji ýylda hasaba alyndy. Şondan bäri alymlar bu keseli ýakyndan yzarlaýarlar. Maglumatlara görä, dünýäde 38 milliondan gowrak adamda henizem «AIW» bar. «AIDS»-e sebäp bolýan wirusa garşy göreşde irki diagnoz we bejerginiň ähmiýeti örän uludyr.   

1981-nji ýylda ýüze çykarylan ilkinji «AIDS» keseli dünýäde uly alada döretdi. Birleşen Milletler Guramasynyň AIDS maksatnamasynyň (UNAIDS) maglumatlaryna görä, şu wagta çenli dünýäde 84,2 million adama «AIW» diagnozy goýuldy. Häzirki wagta çenli «AIDS» bilen baglanyşykly wakalar sebäpli 40 milliondan gowrak adam aradan çykdy. Maglumatlara görä, dünýäde 38 milliondan gowrak adam henizem bu kesel bilen ýaşaýar.