«Pähim-paýhas ummany Magtymguly Pyragy» ýylynda Bütindünýä saglyk güni mynasybetli köpçülikleýin welosiped ýörişi we beýleki sport çäreleri geçiriler. Bu barada Türkmenistanyň resmi metbugaty habar berdi.

Şeýle hem Bütindünýä saglyk güni mynasybetli 1-nji aprelden 7-nji aprel aralygynda Aşgabat we Arkadag şäherlerinde tegelek stollar, ylmy we amaly konferensiýalar, bedenterbiýe we sport, saglyk we medeni çäreler geçiriler. Olara umumybilim berýän orta mekdepleriň okuwçylary, hünär-tehniki, orta we ýokary okuw mekdepleriniň talyplary, kärhanalaryň, edaralaryň işgärleri, türgenler işjeň gatnaşarlar.

Hormatly Prezidentimiz Bütindünýä saglyk güni mynasybetli ýurdumyzda bedenterbiýe-sport, sagdyn durmuş we medeni çäreleri, köpçülikleýin welosipedli ýörişleri ýokary derejede geçirmegi tabşyrdy. Bu çäreleriň maksady  jemgyýetde işjeň durmuş ýörelgelerini wagyz etmek, ýaş nesli sport çärelerine çekmek, ilatyň saglyk ýagdaýyny has-da gowulaşdyrmak bolup durýar.

Hojamämmet MERETMÄMMEDOW,
Türkmenistanyň Döwlet energetika
institutynyň talyby.