Şu gün ýagny 3-nji iýunda Bütindünýä welosiped güni mynasybetli Ahal welaýatynda baýramçylyk dabaralary geçirildi. Çäre köpçülikleýin welosipedli ýörişden soň başlandy. Welosipedli ýöriş, paýtagtymyzyň halkalaýyn aýlaw ýolunyň ugrundaky ýörite niýetlenen ýerden badalga aldy.

Çärä welaýat, etrap, şäher häkimlikleriniň, guramalaryň, edara-kärhanalaryň ýolbaşçylary we işgärleri, jemgyýetçilik guramalaryň wekilleri, başlangyç hünär okuw mekdepleriniň, welaýat ýörite sungat mekdebiniň talyplarydyr mugallymlary, türgenler, ýerli ýaşaýjylar we beýleki köp sanly raýatlar gatnaşdylar.