Tomusyň ilkinji gününe gabat gelýän Çagalary goramagyň halkara güni häzirki wagtda bütin dünýäde möhüm we gadymy baýramlaryň biri höküminde bellenilýär.Ony bellemek 1949-njy ýylyň noýabr aýynda Halkara Demokratik Federasiýanyň gurultaýynyň karary bilen tassyklanyldy. Karara esas hökmünde Birleşen Milletler Guramasy tarapynda kabul edilen “Çaganyň hukuklary baradaky konwensiýasy” çykyş edýär. Çagalary goramagyň halkara güni ilkinji gezek Parižde 1950-nji ýylyň 1-nji iýunynda bellenildi. Bu baýramy bellenilmeginiň esasy sebäbi çagalaryň hukuklaryny ilkinji nobatda olaryň ýaşaýyş, bilim, dynç alyş hukuklarynyň goraglylygyny üpjün etmek bolup durýar. Çagalaryň bilimli, terbiýeli, watansöýüji bolmagy gelejekde ýurduň ösüşine,jemgyýetiň berkligine özüniň täsirini ýetirýär. Çagany ýer ýüzünde ýaşaýan halklar  we her bir maşgalalar öňden gelýän öz maşgala däp-dessurlaryna görä, häzirki ýaşaýan döwrüni nazarda tutup terbiýeleýär. Çaga dünýä inen gününden  başlap, olar bilen mylakatly gürleşmegi başarmaly.Çünki çaga terbiýesi ilki maşgaladan başlanýar.Çaga başdan uly ýaşdaky adamlaryň ählisiniň hereketini,gürleýşini özüne çekip alýar. Çaganyň beýnisi ak kagyz ýalydyr. Oňa näme ýazgy etseň şol hem onuň beýnisinde hemişelik galýandyr.

Amangül SEÝITMUHAMMEDOWA,
Türkmen oba hojalyk institutynyň talyby