Gahryman Arkadagymyzyň jöwher paýhasynyň önümi bolan “Ömrümiň manysy” atly kitabynyň halkymyza gowuşmagy täze döwrümiziň «Halkyň Arkadagly zamanasy» ýylynyň taryhy wakalarynyň üstüni ýetirdi. Gahryman Arkadagymyzyň täze eseri hem edil beýleki kitaplary ýaly çuňňur many-mazmuna eýe bolup, halkymyza bahasyna ýetip bolmajak görelde mekdebidir.

Kitabyň «Ýaşaýyş medeniýeti», «Ynanç hakynda söz», «Müňýyllyklaryň jümmüşinden gaýdýan ýol-ýörelge», «Gadymyýete nazar», «Mukaddes Mekge-Medinä zyýarat», «Milletiň ruhy-ahlak mekdebi» atly bölümlerinde mukaddes Garaşsyzlygymyz, hemişelik Bitaraplygymyz, medeniýetimiz, watansöýüjilik, parahatçylyk, dost-doganlyk, ynsanperwerlik, milli garaýyşlar, däp-dessurlar, döwletlilik, adalatlylyk, milli demokratiýa we diplomatiýa, halkymyzyň asly, taryhy, ynanjy, ruhy-ahlagy, mertligi, ýaşlary terbiýelemegiň milli ýörelgeleri hem-de berkarar döwletimiziň dünýädäki abraýy we geljekde ýetilmeli sepgitler doly açylyp görkezilýär.

Diňe bir ýurdumyzyň ilaty üçin däl, eýsem, halkymyzyň şöhratly geçmiş taryhy, bagtyýar şu güni bilen içgin gyzyklanýan daşary ýurtly okyjylar üçin-de gymmatly gollanma bolup hyzmat etjek taryhy-filosofik kitapda Garaşsyz, hemişelik Bitarap döwletimiziň ýeten belent derejeleri, ata Watanymyzyň iňňän gadymy taryhy, ony öz beýik işleri bilen şöhratlandyran şahsyýetler, halkymyzyň ýaşaýyş medeniýeti, jemgyýetimiziň ahlak hem durmuş ýörelgeleri inçelik bilen yzarlanýar, geçmişiň, şu günüň, geljegiň baglanyşygy ussatlyk bilen açylyp görkezilýär.

Perdegül DURDYBAÝEWA,

Döwletmämmet Azady adyndaky
Türkmen milli dünýä dilleri 
institutynyň mugallymy.