Ak bugdaý etrabyndaky Derweze döwlet elektrik stansiýasynyň mejlisler jaýynda Gurluşyk we senagat toplumynyň işgärleriniň güni mynasybetli dabaraly maslahat geçirildi. Maslahat, welaýat we Ak bugdaý etrap jemgyýetçilik guramalarynyň bilelikde guramagynda geçirildi. Oňa döwlet elektrik stansiýanyň işçi-hünärmenleri gatnaşdy.

Maslahatda edilen çykyş edenler Berkarar döwletiň täze eýýamynyň Galkynyşy döwründe ýurdumyzyň durmuşynyň ähli ugurlarynda uly ösüşlerdir özgertmeleriň bolup geçýändigi, gurluşyk we senagat pudaklarynda hem belent sepgitlere ýetilýändigi dogrusynda belläp geçdiler.

Maslahatyň ahyrynda Derweze döwlet elektrik stansiýasynyň öňdebaryjy işçi-hünärmenleriniň uly toparyna Türkmenistanyň Agrar partiýasynyň welaýat komitetiniň, Türkmenistanyň Demokratik partiýasynyň etrap komitetiniň, Türkmenistanyň Kärdeşler arkalaşyklarynyň etrap birleşmesiniň, Türkmenistanyň Magtymguly adyndaky Ýaşlar guramasynyň etrap Geňeşiniň hormat hatlarydyr baýramçylyk sowgatlary gowşuryldy.