Dünýä ylmynyň gazananlaryndan habarly bolmak üçin iň zerur şertleriň biri dil bilmek bolup durýar. Berkarar döwletiň täze eýýamynyň Galkynyşy döwründe türkmen halkynyň Milli Lideri Gahryman Arkadagymyzyň hem-de Arkadagly Gahryman Serdarymyzyň bimöçber aladalary netijesinde Diýarymyzda bagtyýar ýaşlaryň daşary ýurt dillerini kemsiz öwrenmekleine ýokary üns berilýär. Döwür bilen aýakdaş gidýän türkmen ýaşlary dünýä dillerini suwara öwrenmek arkaly giň gözýetime, kämil bilime eýe bolýarlar.

Medeniýetiň ýokary derejelerini öňe çykarýan dil bilimi her bir halkyň ruhy baýlygy, milli genji-hazynasy bolup durýar. Şoňa görä-de daşary ýurt dillerini bilýän hünärmenleri taýýarlamak boýunça döwlet derejesinde uly işler edilýär. Bu babatda ýurdumyzda “Türkmenistanda daşary ýurt dillerini okatmagy kämilleşdirmegiň Konsepsiýasy” üstünlikli alnyp barylýar.

Dostana gatnaşyklary ýola goýmaga mümkinçilik döredýän dil hakynda dana pederlerimiz: “Dil bilen dünýäni açar”, “Dilim bar – dünýäm bar”, “Bir dil bilen bir adam, iki dil bilen iki adam” – ýaly atalar sözleri bilen diliň ýokary derejede ähmiýetlidigini nygtapdyrlar.  

Maral ÖWEZOWA,
Türkmenistanyň Döwlet energetika
institutynyň talyby.