26-njy aprelde Türkmenistanyň Döwlet çeperçilik akademiýasynyň Sergiler jaýynda ahalteke atlarynyň gözelligini şekillendiriş we amaly-haşam sungatynyň eserlerinde, neşir önümlerinde, fotosuratlarda, teleýaýlymlarda çeper beýan etmek ugrunda suratkeşleriň, heýkeltaraşlaryň, halyçylaryň, zergärleriň, fotosuratçylaryň, neşirýat işgärleriniň, dizaýnerleriň, teleoperatorlaryň arasynda yglan edilen döredijilik bäsleşiginiň jemleýji tapgyrynyň sergisi guraldy. Bu bäsleşige 327 döredijilik işgäri 377 sany iş bilen gatnaşdy.

Sergide Türkmenistanyň Döwlet çeperçilik akademiýasynyň, onuň ýanyndaky Türkmen döwlet ýörite çeperçilik mekdebiniň halypa mugallymlarynyň we talyplarynyň, Suratkeşler birleşiginiň welaýatlardaky agzalarynyň eserleri görkezildi.