Daşky gurşawy goramakdan we syýahatçylyk etmek maksady bilen Dubaý şäherinde dünýädäki iň uly emeli rifleriň biri gurlar. Rifiň kömegi bilen Dubaýyň kenarýakasynda deňiz gubkalarynyň, ustrisalaryň, mollýuskalaryň, leňňeçleriň, deňiz ýyldyzlarynyň, kirpileriniň we balyklaryň dürli görnüşleriniň täze populýasiýasy köpeler. “Dubai Reef taslamasy” 2024-nji ýylyň birinji çärýeginiň ahyrynda işe giriziler.

Bu taslamada 600 inedördül kilometr meýdanda dürli ölçegli emeli rifleriň döredilmegi göz öňünde tutulýar. Rif modullarynyň umumy göwrümi her ýyl ýedi million tonnadan gowrak uglerod saklamak ukyby bilen 400 müň kub metrden gowrak bolar.

Emeli rifler deňiz ýaşaýjylarynyň köpsanly  görnüşleri üçin öý bolup hyzmat eder. Şeýle-de, taslama Pars aýlagy sebitindäki howanyň üýtgemeginiň täsirlerine garşy göreşmekde aýratyn orun alar. Ol sebitiň atmosferasyna kömürturşy gazynyň zyňyndylaryny azaltmakda hem möhüm rol oýnar.

Taslamanyň durmuşa geçirilmegi merjen riflerini dikeltmäge, kenarýaka zolaklaryny goramaga we Dubaýyň kenarýakasynyň deňiz biodürlüligini dikeltmäge mümkinçilik berer. Bu taslama dört ýylyň içinde tamamlanmagyna garaşylýar.

Nurmyrat Kutlyýew,
Türkmen oba hojalyk institutynyň
1-nji ýyl talyby.