Daniýanyň «Orsted» kompaniýasyna degişli we Angliýanyň kenarynda ýerleşýän «Hornsea 2» deňiz üsti ýel elektrik bekedi doly güýjünde işe başlady. Elektrik stansiýasynyň 1,4 million jaýyň elektrik zerurlyklaryny kanagatlandyrjakdygy mälim edildi.

Kompaniýanyň beren beýanyna görä, kuwwaty 1,3 gigawatdan gowrak bolan elektrik stansiýasy dünýädäki iň uly deňiz üsti ýel elektrik bekedi bolup durýar. Jemi 165 sany ýel turbinasyndan ybarat elektrik stansiýasy Angliýanyň Yorkshire şäherinden 89 km uzaklykda ýerleşýär.