«Royal Caribbean» kompaniýasy köpden bäri garaşylýan dünýädäki iň uly ýolagçy gatnadýan gämi bilen tanyşdyrdy. Bu gämi «Icon of the Seas» diýlip atlandyrylýar. Ýolagçy gämisi 2024-nji ýylyň 28-nji ýanwarynda myhmanlary bilen ilkinji gezek syýahata başlar.

Gämi barada aýdyp geçsek, onda uly restoranlaryň birnäçesi, çäreleri geçirmek üçin ullakan meýdança, uly seýilgäh, buzda typmak üçin meýdança, golf meýdança, gaýa dyrmaşylýan ýerler, 47 metrlik şarlawuk bolar.

«Icon of the Seas» - 20 gatdan ybarat bolup, ýagny beýikligi 365 metr bolar. Gäminiň umumy bahasy 2 milliard dollardan geçer. Ýolagçy gämisi iň arassa ýakylýan deňiz ýangyjy bolan suwuklandyrylan tebigy gaz bilen hereket eder.