Bütindünýä saglygy goraýyş guramasy we Bütindünýä banky ýaly dürli guramalar tarapyndan neşir edilen hasabatda dünýäde 675 million adamyň, esasan, Saharanyň günortasyndaky sebitde (Afrika) elektriksiz ýaşalýandygy mälim edildi.

Bu hasabata görä, Birleşen Milletler Guramasyna agza döwletler tarapyndan kabul edilen 2030-njy ýyla çenli hemmeler üçin arassa we elýeterli energiýa bilen üpjün etmegi göz öňünde tutýan ösüş maksadyna ýetmek başartmaz.

Soňky on ýylda elektriksiz ýaşaýanlaryň sany takmynan iki esse azaldy. Şeýle-de bolsa häzirki wagtda 675 million adam henizem elektriksiz.

Elbetde soňky ýyllarda elektrik pudagynda gaýtadan dikeldilýän energiýalaryň ulanylyşyny artdyrmak ýaly käbir öňegidişlikler gazanyldy, ýöne bu Birleşen Milletler Guramasynyň maksatlaryna ýetmek üçin ýeterlik däl.

Hasabat, Halkara täzelenip bilýän energiýa gullugynyň (IRENA) maglumatlaryna esaslanyp, pes we orta girdejili ýurtlarda arassa energiýa üçin halkara jemgyýetçiliginiň COVID-19 başlamagyndan bäri azalandygyny görkezýär. Hasabata görä, bergileriň toplanmagy we ýokary energiýa bahalary elektrik energiýasyna ýetmek maksadyna päsgelçilik döredýär.

Häzirki çaklamalara görä, täze çäreler görülmese 2030-njy ýylda 660 million adam elektrik energiýasyna eýe bolmaz. Bütindünýä saglygy goraýyş guramasy elektrik togunyň ýetmezçiligi sebäpli ýüze çykýan keseller sebäpli her ýyl millionlarça adam aradan çykýar.  

Döwletmyrat GARRYÝEW,

Türkmenistanyň Döwlet energetika
institutynyň talyby.