Ýurdumyzyň edermen gallaçylary Watan harmanyna 1 million 500 müň tonna golaý galla hasylyny tabşyrmak bilen, şertnamalaýyn borçnamalaryny üstünlikli berjaý etdiler. Bu barada 29-njy iýulda sanly ulgam arkaly geçirilen Ministrler Kabinetiniň giňişleýin mejlisinde wise-premýer A.Ýazmyradow, Türkmenistanyň Prezidentine hasabat berdi.
Döwlet Baştutanymyz edermen gallaçy daýhanlary we ähli türkmen halkyny sahawatly türkmen topragyndan gallanyň bol hasylynyň öndürilip, Watan harmanyna 1 million 500 müň tonna golaý galla hasylynyň tabşyrylmagy mynasybeli tüýs ýürekden gutlady.