Ýakynda geçirilen wideoaragatnaşyk ulgamy arkaly Türkmenistan bilen Özbegistanyň serhedinde ýerleşýän “Farap” gümrük nokadynda Port gözegçilik toparynyň dabaraly açylyşy geçirildi.  Port gözegçilik topary BMG-niň Neşe we jenaýatçylyk baradaky müdirliginiň hem-de Bütindünýä gümrük guramasynyň bilelikdäki “Konteýnerli ýük daşamalara gözegçilik etmek boýunça Ählumumy Maksatnamasynyň” çäklerinde, BMG-niň Neşe we jenaýatçylyk baradaky müdirligi hem-de Lebap welaýat gümrükhanasy tarapyndan bilelikde açyldy.

Sanly wideoaragatnaşyk arkaly geçirilen çärä BMG-niň Neşe we jenaýatçylyk baradaky müdirliginiň sebitleýin wekili Aşita Mittal, hemaýatçy halkara guramalaryň wekilleri, Özbegistan Respublikasynyň Döwlet gümrük komitetiniň başlygynyň orunbasary Utkirjon Kodirow, “Alat” gümrük nokadynyň (Özbegistan Respublikasy) Port gözegçilik toparynyň agzalary, Türkmenistanyň Döwlet gümrük gullugynyň başlygynyň orunbasary Döwlet Baýryýew gatnaşdylar.

Port gözegçilik topary - ýörite taýýarlanylan we enjamlaşdyrylan bölüm bolup, onuň esasy wezipesi howplulyk derejesi ýokary bolan konteýnerleri kanunalaýyk söwda bökdençlik döretmezden ulgamlaýyn barlagdan geçirmekden ybaratdyr.