“Türkmenistan-Bitaraplygyň mekany“ ýyly Diýarymyza öz rysgal-berekedi bilen geldi. Ýurtda geçirilýän giň gerimli oňyn özgertmeler netijesinde milli ykdysadyýetimiziň ähli pudaklary bilen bir hatarda oba hojalygy hem yzygiderli ösýär. Döwlet tarapyndan berilýän goldaw netijesinde daýhanlar tutanýerli zähmet çekýärler. Giň sähralarmyzdaky aňyrsy-bärsi görünmeýän bugdaý  meýdanlary hasyla durdy. Oba hojalygynda iň jogapkärli möwsüm bolan bugdaý ýygymy ýetip gelýär. Şu ýylda orak möwsümine kuwwatly tehnikalaryň birnäçesi bökdençsiz hereket eder. Olaryň ählisi möwsüme ykjam taýýarlanyldy.  Etrabyň Tehniki hyzmat ediş kärhanasynyň ussahanalarynda bugdaý ýygyjy kombaýynlar gözden geçirilip, olary abatlamak işleri gyzgalaňly alnyp barylýar. Orak möwsüminde bökdençleriň bolmazlygy üçin ätiýaçlyk çäreler göz öňünde tutulýar. Göçme ussahana, nobatçy maşynlar näsazlyk tapan tehnikalary iş üstünde abatlamak üçin şertler döredilýär. Zähmet howpsuzlygynyň düzgünleri barada düşündiriş işleri yzygiderli alnyp barylýar. Şeýle hem daýhanlaryň armasyny ýetirmek maksady bilen iş üstünde aýdym-sazly çykyşlar, beýleki medeni-köpçülik çäreleri guralar we öňdebaryjy kombaýynçylaryny we ýetişdirilen bugdaý hasylyny galla amammarlaryna daşaýjy sürijileri Kärdeşler arkakaşyklarynyň etrap birleşmesi tarapyndan ýadygärlik sowgatlar dabaraly ýagdaýda gowşurylar.