Berkarar döwletiň täze eýýamynyň Galkynyşy döwründe halkymyzyň durmuş abadançylygyny üpjün etmäge gönükdirilen özgertmeler ýurdumyzyň oba-hojalyk pudagynda hem üstünlikli durmuşa geçirilýär. Hormatly Prezidentimiziň oba hojalyk pudagynyň işgärlerine galla orak möwsümini guramaçylykly geçirmek barada degişli tabşyryklary bermegi bilen Ahal welaýatymyzda hem möhüm oba hojalyk möwsümi bolan galla oragyna badalga berildi.

Ýakynda Tejen etrabynyň babadaýhanlarynyň armasyny ýetirmek maksady bilen etrap häkimliginiň, medeniýet bölüminiň hem-de jemgyýetçilik guramalarynyň bilelikde guramagynda etrabyň Tejen daýhan birleşiginiň meýdan düşelgesinde günorta arakesme wagtynda galla orak möwsümine gatnaşýan kombaýnçylaryň, sürüjileriň hem-de kärendeçileriň gatnaşmagynda aýdym-sazly baýramçylyk dabarasy geçirildi. Geçirilen dabarada etrap medeniýet bölüminiň aýdym-saz, folklor hem-de wäşiler toparlarynyň taýýarlan şowhunly çykyşlary dabara gatnaşanlarda üýtgeşik täsir galdyrdy döretdi.

Dabara gatnaşyjylar şeýle ajaýyp zamanada ýaşamaga, işlemäge, toprakdan bol hasyl öndürmäge giň mümkinçilikleri döredip berýän Gahryman Arkadagymyzyň, Arkadagly Serdarymyzyň janlarynyň sag, il-ýurt bähbitli tutýan-tutumly işleriniň rowaçlyklara beslenmegini arzuw etdiler. 

Bägül GURBANOWA, 

Türkmenistanyň Kärdeşler 
arkalaşyklarynyň Ahal welaýatynyň 
Tejen etrap birleşmesiniň işgäri.