«Garagumsuwgurluşyk» önümçilik dolanyşygynyň işgärleri Garagum derýasyny gyrmançadan arassalamakda yhlasly zähmet çekýärler. Olar bu işde Nederlandlar Patyşalygyndan satyn alnan täze hem-de öňden bar bolan läbik sorujylaryň 17-sini gurat işledýärler. Olaryň her biri sagatda 230 kub metrden 280 kub metre çenli läbigi derýanyň hanasyndan daşyna çykarýar.

Häzir dolanyşygyň läbik sorujylary derýanyň 315-nji kilometrinden 320-nji kilometrine çenli aralykda akabany gyrmançadan arassalamak we onuň suw geçirijiligini artdyrmak üçin alnyp barylýan işleriň birinji tapgyryny üstünlikli tamamladylar. Läbik sorujylaryň maşinistleri hepdelik iş çalşygynda zähmet çekýärler.